सूत्र यशस्वी करिअरचे

0
192

करिअर कुठलही निवडा. तुमच्या कामाचं स्वरूप कोणतंही असलं, तरी काही वागण्या-बोलण्याचे नियम सारखेच असतात. यामुळे आपापल्याक्षेत्रात प्रगती करणं शक्य होतं.

अभ्यास केलात तर मोठे व्हाल, शिकलात तर नोकरी मिळेल.’ लहानपणी प्रत्येकाच्या कानावर पडलेली ही वाक्य आहेत. नोकरी मिळाली पण पुढे काय? कुठलंही क्षेत्र असेल पण तिथे काही लोकांबरोबर काम करायचं म्हणजे कामाचे, वागण्या-बोलण्याचे काही नियम आहेत. हे नियम फार साधे सरळ सोपे असते. रोजच्या वावरत डोळे उघडे ठेवले तर लक्षात येतील आणि अनुसरता येतील असेही.

शाळा, क्लास, कॉलेज शिक्षक, कॉर्पोरेट ऑफिसेस, पत्रकारिता, क्लाल, डॉक्टर कुठलंही क्षेत्र असू दे. पण येथे टीम वर्क करताना काही स्कील्स वापरल्यास तुम्ही सगळ्यांपेक्षा वेगळे आहात हे सिद्ध करू शकता.

प्रभावी संवाद साधा : उत्तम संवाद कौशल्ये, तांत्रिक माहितीचे ज्ञान, कामाचा प्रसार, कामाविषयी आत्मविश्वास आणि आपल्या ब्रँडसाठी उपयुक्त ठरतील अशा कल्पना सादर करणं हे तुमच्या कामातील महत्त्वाचे भाग आहेत. त्यांचा टप्प्याटप्प्याने वापर करायलाच हवा.

कामातील आपले मुद्दे सादर करताना आपल्या टीमलाही आपण सहभागी करून घेतलं पाहिजे. त्यांच्याबरोबर जर उत्तम रॅपो जमला तर आपल्या कंपनीचं, बँ्रडचं कामही चांगल्या दर्जाचं होऊ शकतं. दुस-याचं ऐकणं, आवाजातील चढ-उताराचा योग्य वापर, आनंदी राहणं, सहका-यांच्या कामाबाबत त्यांना प्रतिक्रिया देणं या गोष्टी रॅपो जमवण्यासाठी अत्यंत आवश्यक आहेत. कुठल्याही क्षेत्रात टीम बरोबर काम करताना हे आवश्यक आहे.

सध्या काम हे तांत्रिक होत चाललेलं आहे. सरकारी पातळीवरही कम्प्युटर्स, नोटबुक, मोबाइलमधून देवाणघेवाण अशा अनेक गोष्टींचा मोठ्या प्रमाणावर समावेश होत आहे.

यामुळे तुम्ही केवळ अभ्यासू किडा असून चालत नाही तर, तुम्हाला तुमच्या कामासाठी वापरली जाणारी यंत्र उत्तम त-हेने हाताळता यायला हवीत. यासाठी कोणाचीही मदत घेत राहण्यापेक्षा लवकरात लवकर यांत्रिक आणि तांत्रिक बाजू सांभाळायला शिकाल्यास त्याचा तुमच्या कामावर चांगलाच परिणाम होऊ शकतो.

हटके विचार करा : कुठल्याही कंपनीसाठी काम करताना एका साच्यातून विचार करणं सोडा. चौकटीबाहेर जाऊन एखादा हटके विचार तुमचं उत्तम इम्प्रेशन ब्रँडवर पाडू शकतो. यासाठी सतत अपडेट राहणं, बातम्या, वाचन, आपल्या क्षेत्रातील अवांतर माहिती असणं गरजेचं आहे. यामुळे तुमच्या कल्पनांमध्ये क्रिएटिव्हिटीचा अभाव असणार नाही.

वेळेचं भान : काम कोणतही करा. मात्र, वेळेचं भान राखलं नाहीत तर त्याचे वाईट परिणाम आज ना उद्या तुमच्या कामावर होणारच. परिस्थितीनुसार हातात असलेला कमी-जास्त वेळ मॅनेज करणं किंवा एखाद्याला दिलेली वेळ पाळणं अत्यावश्यक आहे. याने योग्य ती कामं तुम्हाला मिळणं, वेळेवर काम देणारा म्हणून तुमची ओळख निर्माण होते. यामुळे तुमच्याकडे कामही बरीच येऊ शकतात

. कामाची पद्धत, कामाचं महत्त्व आणि तिथपर्यंत पोचण्यासाठी योग्य ती मेहनत घेणं या गोष्टींमुळे तुमची आणि कंपनीची प्रगती होत असते.
आपली प्रगती साधताना किंवा आपल्या कामात सहका-यांचा सहभाग असेल तर त्यांना श्रेय देता येण्याचा मोठेपणा आपल्याकडे हवाच. हा गुण अंगी बाणवायला हवा.

तसेच, सगळं चांगलं असताना कोणीही काम चांगलं करेल यात विशेष नाही. पंपतु, एखाद्या कठीण प्रसंगी तुम्हाला निभावून नेता यायला हवं.

याशिवाय स्वत:चे गुण योग्य माणसापर्यंत पोचवणे, थोडीशी विनोदबुद्धी, थोडीशी व्यवहार चतुरता, वाद मिटवण्याची हातोटी, सपोर्ट, स्टॅमिना, मेहनीतीची तयारी आणि पॉझिटिव्ह अ‍ॅटिट्युड असे काही खास गुणही तुमच्यात असले तर तुम्ही कामाच्या ठिकाणी लोकांना आपलंस करू शकता, नक्कीच.

Loading...

LEAVE A REPLY

Please enter your comment!
Please enter your name here